ማክሰኞ /ሦስተኛው ቀን/

በዚህ ዕለት የተደረጉት ዐበይት ተግባራት የሚከተሉት ናቸው፡፡

ð  ደቀመዛሙርቱ የበለሷን መድረቅ አይተው ሲገረሙ ጌታችን ሃይማኖት ቢኖራችሁ ባትጠራጠሩ ይህን ተራራ ከዚህ ተነስተህ ከባሕር ግባ ብትሉት ይቻላችኋል ብሎ ስለ እምነት አስተምሯቸዋል፡፡

ማቴ. 2120-21 ፣ ማር. 1120-26  ዮሐ. 141

ð  በቤተመቅደስ ሲያስተምር ሳለ የካህናት አለቆችና የሕዝብ ሽማግሌዎች መጥተው ከምድራውያን ካህናት ወገን ያይደለህ ከምድራውያን ነገሥታት ወገን ያይደለህ ይህን የምታደርግ በምን ሥልጣንህ ነው ብለው ጠየቁት እርሱም ከእናንተ አኔ ቅድሚያ አለኝ ሲል ጠየቃቸው ‹‹የዮሐንስ ጥምቀት ከወዴት ነው?›› (ዮሐንስ ማስተማሩ በማን ፈቃድ ነው?) እነሱም ከሰማይ እንዳይሉ አያምኑበት ከምድር እንዳይሉ ሕዝቡን ፈሩትና አናውቅም አሉት እርሱም እኔም አልነግራችሁም ብሎ ረታቸው፡፡

ማቴ. 2123-27፣ ማር. 112733 ሉቃ. 202140

Read more: ማክሰኞ /ሦስተኛው ቀን/

ሰኞ /ሁለተኛው ቀን/

 በዚህ ዕለት የተደረጉት ዐበይት ተግባራት የሚከተሉት ናቸው፡፡

ð  መርገመ በለስ /ያላፈራችውን በለስ ረገመ/፡- ጌታችን በቢታንያ አድሮ ወደ ከተማ ሲመለስ ተራበና ፍሬ ባገኝባት ብሎ ከመንገድ ዳር የነበረችውን በለስ ተመለከተ ፍሬ ስላጣባትም ‹‹ለዘላለሙ ፍሬ አይገኝብሽ›› ብሎ ረገማት፡፡ በማርቆስ ወንጌል የበለስ ጊዜ አለመሆኑን ይገልጻል፡፡ ታዲያ ለምን እያወቀ እንዲህ አደረገ ቢባል አውቃለሁ ብሎ ሥራውን ከመሥራት እንደማይተው ሊያስተምረን ፈቅዶ ነው፡፡ በምሥጢሩ ከበለስ ፍሬ መሻቱ ከሰው ፍቅር ተርቦ በለስ እስራኤልን በኢየሩሳሌም አገኘ ሃይማኖት ምግባር አገኝባቸው ብሎ ቢያይ አጣባቸው፡፡ በዚህም ደግ ሰው አይገኝብሽ ብሎ ረገማት፡፡

ð  አንጽሖተ ቤተመቅደስ፡- በሆሣዕና ዕለት ቤተመቅደሱን ከነጋዴዎች እንዳጸዳ የተረፈውን ጥቃቅኑን ደግሞ በዚህ ዕለት አጽድቶአልና አንጽሖተ ቤተመቅደስ ይባላል፡፡

ሰሙነ ሕማማት

ሰሙነ ሕማማት

መድኃኔዓለም ክርስቶስ ወደዚህ ዓለም መጥቶ በጠባብ ደረት በአጭር ቁመት ተወስኖ የተመላለሰው ከክብሩ የተዋረደውን አዳምን ወደ ቀደመ ክብሩ ሊመልሰው ፈቅዶ ነው፡፡ ይህንኑ ሲያጸና ሐዋርያው ቅዱስ ጳውሎስ ‹‹እንግዲህ ልጆቹ በሥጋና በደም ስለሚካፈሉ እርሱ ደግሞ በሞት ላይ ሥልጣን ያለውን በሞት እንዲሽር ይኸውም ዲያብሎስ ነው በሕይወታቸውም ሁሉ ስለ ሞት ፍርሃት በባርነት ይታሰሩ የነበሩትን ሁሉ ነጻ እንዲያወጣ በሥጋና በደም እንዲሁ ተካፈለ፡፡›› /ዕብ. 21415/ብሏል፡፡ አምላክ በፍጹም ፍቅር ተስቦ የሰውን ልጅ ሊያድን ቢወድም የሰው ልጅ ግን በመልካም አልተቀበለውም፡፡ ‹‹የእርሱ ወደ ሆነው መጣ የገዛ ወገኖቹም አልተቀበሉትም››  /ዮሐ. 111/ ቢራቡ ስላበላቸው ቢታመሙ ስለፈወሳቸው ‹‹ወርቅ ላበደረ ጠጠር›› ሆነና እንዲሞት ተማከሩበት፡፡ ከመሆኑ ከመታሰቡ አስቀድሞ ሁሉን የሚያውቀው አምላክ ግን ብዙ ጊዜ ሊይዙት ቢሞክሩም ጊዜው አልደረሰም ነበርና በእጃቸው አልወደቀም ነበር፡፡

Read more: ሰሙነ ሕማማት

ሆሣዕና

ወደ ደብረዘይት ሲደርስ ከደቀመዛሙርቱ ሁለቱን ከፊታችሁ ወዳለ ሀገር ሂዱ ሰው ያልተቀመጠበት የአህያ ውርንጭላ ታገኛላችሁ፣ ፈትታቸሁ አምጡልኝ ለምን ትፈታላችሁ የሚል ቢኖር ጌታው ይፈልገዋል በሉ ብሎ ላካቸው፡፡ ሔደው ጌታው ይፈልገዋል ብለው ፈትተው አመጡለት ልብሳቸውን ጎዝጉዘውለት በዚያ ተቀምጦ ወደ ኢየሩሳሌም ሄደ፡፡ ደቀመዛሙርቱም ሰማይ ተከፍቶ ፀሐይ ከአህያው ፊት ሁና ስትሰግድ ምድሪቱም ብርህት ስትሆን መላእክትም ከሰማይ ወርደው አህያውን ከበው ሲያመሰግኑት አይተው ልብሳቸውን ከመሬት እያነጠፉ ቡሩክ ዘይመጽእ በስመ እግዚአብሔር  በእግዚአብሔር ስም የሚመጣ የተመሰገነ ነው እያሉ አመስግነውታል፡፡

ኢየሩሳለሌም ሲደርስ ከገጹ ብርሃን የተነሣ ከተማዋ ብርህት ሆነች፡፡ ሕዝቡ የሆነውን ሊያዩ ወጡ፡፡ ሕፃናት ፀሐይ ስትሰግድለት መላእክት ከበው ሲያመሰግኑት አይተው በመንፈስ ቅዱስ ተመርተው የሰሌን ዝንጣፊ ይዘው ሆሣዕና በአርያም ሆሣዕና ለወልደ ዳዊት ቡሩክ ዘይመጽእ በስመ እግዚአብሔር እያሉ አመስግነዋል፡፡ ሆሣዕና ማለት በልዕልና ጸንቶ የሚኖር መድኃኒት ማለት ነው፡፡

ሕፃናቱ ሦስት እልፍ ናቸው፡፡ የነርሱ ምሥጋና ከመላሰእክት ምስጋና ተዋህዶ ኢየሩሳሌም ተናወጸች፡፡ ረበናተ አይሁድ ምን መጣብን ብለው ደንግተው ቢወጡ ሕፃናቱን ሲያመሰግኑ አገኙ፡፡ እግዚአብሔር በሚመሰገንበት ምስጋና የዩሴፍን ልጅ እንድታመሰግኑ ማን አስተማራችሁ?  አሏቸው፡፡ እናንተ እውሮች ፀሐይ ስትሰግድለት መላእክት ሲያመሰግኑት አታዩምን? መዝ 8፡3 ያለው አላነበባችሁም? አሏቸው፡፡  ማስተው /መቆም/  የማይቻለቸው ቢሆን ሄደው ጌታን ዝም እዲሉ ሕፃናቱን እዘዛቸው አሉት፡፡ እኒህ ሕፃናት ዝም ቢሉ ደንጊያዎች አያመሰግኑኘ መሰላችሁ? አላቸው ወዲያው ድንጋዮች ከደብረዘይት እየዘለሉ መጥተው በስመ እግዚአብሔር ብለው አመስግነውታል፡፡ መቅደሱን ሦስት ጊዜ ዞሮ በጅራፍ እየገረፈ አስወጥቷቸዋል፡፡ ሜቴ 21፡10

ኒቆዲሞስ

የዐቢይ ጾም ሰባተኛ ሳምንት ኒቆዲሞስ ይባላል፡፡ ኒቆዲሞስ የተባለ አይሁዳዊ ማታ ማታ ጌታ ዘንድ እየተገኘ ይማር ነበር ይህ ይታሰብበታል፡፡ ዮሐ. 3፥1-15

ኒቆዲሞስ ከፈሪሳውያን ወገን ሲሆን በኢየሩሳሌም በሀብት ቢሉ በእውቀት እንዲሁም በሥልጣን የአይሁድ አለቃ ነበር፡፡

እርሱም በሌሊት ወደ ኢየሱስ ክርስቶስ መጥቶ ‹‹መምህር ሆይ እግዚአብሔር ከእርሱ ጋር ከሆነ በቀር አንተ የምታደርጋቸውን እነዚህ ተአምራቶች ሊያደርግ የሚችል የለምና መምህር ሆነህ ከእግዚአብሔር ዘንድ እንደመጣህ እናውቃለንና አለው›› ዮሐ. 3÷2

በሌሊት ይመጣ ነበር ለምን አለ?

Read more: ኒቆዲሞስ

ገብርኄር

የዐቢይ ጾም ስድስተኛ ሳምንት ገብርኄር ይባላል፡፡ ስለ ኄር /ስለታማኝ/ አገልጋይ ያስተማረውን የሚያዘክር ምስጋና ይቀርብበታል፡፡ ይኸውም ማቴ. 25፥14-30 ላይ ይገኛል፡፡

ወደ ሌላ አገር የሚሄድ ሰው ባሮቹን ጠርቶ ያለውን ገንዘብ እንደ ሰጣቸው እንዲሁ ይሆናልና፤ ለእያንዳንዱ እንደ አቅሙ ለአንዱ አምስት መክሊት ለአንዱ ሁለት ለአንዱም አንድ ሰጠና ወደ ሌላ አገር ወዲያው ሄደ፡፡ አምስት መክሊትም የተቀበለው ሄዶ ነገደበት ሌላም አምስት አተረፈ፤ እንዲሁም ሁለት የተቀበለው ሌላ ሁለት አተረፈ፡፡ አንድ የተቀበለው ግን ሄዶ ምድርን ቆፈረና የጌታውን ገንዘብ ቀበረ፡፡

Read more: ገብርኄር

Page 2 of 17

ተያያዥ ገጾች

ጥቅስ

‹‹ሞት ድንገት ትመጣለችና ከቀን ቀን አታሳልፍ›› ( ሲራክ 5፡7)

‹‹ፈጥነህ ስማ፤ ቃልን ለመመለስ ግን የታገስክ ሁን›› (ሲራክ 5፡11)

‹‹እግዚአብሔርን የሚፈሩ ሰዎች ቃሉን አይረሱም›› (ሲራክ 2፡15)

Joomla templates by Joomlashine