ቅዱስ መስቀል

                                       በደሳለኝ አላምሬ ዘኆኅተ ብርሃን

        መስቀል የሚለው ቃል ሰቀለ ከሚለው የግእዝ ሥርወ ቃል የወጣ ሲሆን መሰቀያ ማለት ነው፡፡ ጌታችን አይሁድን ፈሪሳዊውያንን ሕጋቸውን ቢነቅፋቸው ግብራቸውን ተመልክቶ ቢገስጻቸው ጠልተውት በስቀል ሰቅለውታል፡፡ ኋላም መስቀሉ ሽባዎችን ሲተረትር ጎባጣወችን ሲያቀና ለምጻሞችን  ሲያነጻ ተአምራት ሲያደርግ አይተው ለተንኮል ለምቀኝነት የማያንቀላፉ ናቸውና ጉድጓድ አስምሰው ቀበሩት፡፡ ተቀብሮም እንዳይወጣ ብዙ ቆሻሻ ሲጥሉበት፣ሰያስጥሉበት ኖረዋል፡፡

        ከሁለት መቶ ዘመን በኃላ የንጉሥ ቆስጠንጢኖስ እናት ዕሌኒ ልጇ ቆስጠንጢኖስ ደገኛ ሃይማኖተኛ ይሆንላት ዘንድ በዘመኑ የሃይማኖት ተቆርቋሪ (ስለቆመ) ከአረማዊያን ወገን ስለነበረች ከነሱ መከራ ከጠበቅኸኝ አይሁድ በክፋት የቀበሩትን መስቀልህን አወጣለሁ ብላ ብጽዐት ገብታ ነበርና ብጽዓቷን ለመፈጸም በ319 ዓ.ም ኢየሩሳሌም ወረደች፡፡ ዘመኑ ርቆ ነበርና የሚውቅላት አጥታ ኪራኮስ የሚባል አረጋዊን ጨው የበዛበት ምግብ አብልታ ውሃ ከልክላው ለውኃ ሲል ‹‹በውል ለይቼ አላውቀውም አባቶቻችን ከነዚህ ከ3ቱ ተራሮች አንዱ ነው›› ይሉ ነበር ብሎ አመለከታት፡፡ ካህናቱን ሰበስባ ደመራ አስደምራ ዕጣን ብታጤስበት ጢሱ ወደ ሰማይ ወጥቶ ብርሃን ተስሎበት ተገኝቷል፡፡ ሕሙማንን ፈውሷል ዕውር አብርቷል፡፡ በቦታው ላይ ለትንሣኤው መታሰቢያ ታላቅ ቤተክርስቲያን አሳንጻበታለች፡፡

Read more: ቅዱስ መስቀል

እንዳያመልጦ

ትምህርት - መስቀል 2005

{denvideo http://www.youtube.com/watch?feature=player_embedded&v=wmrM_-xfVgs 466 313}

የፋሲካው በግ

 ለትምህርታችን መነሻ የሚሆነን ብርሃን ዓለም ቅዱስ ጳውሎስ ለቆሮንጦስ ምእመናን በጻፈው መልዕክቱ ‹‹በፋሲካነ ተሰቅለ ክርስቶስ በፋሲካችን ክርስቶስ የተሠዋ አይደለምን?›› በማለት ክርስቶስ ለቤዛ ዓለም እንደተሠዋ በማስገንዘብ ከኃጢአት እንዲጠበቁ ያስተማረው ትምህርት ነው፡፡ 1ቆሮ. 57

 

አባቶች ሲናገሩ ‹‹ነገር ከሥሩ ውሃ ከጥሩ›› ይላሉ ስለዚህ በቀጥታ ወደ ትምህርታችን ከመግባታችን በፊት ፋሲካ የሚለው ቃል ትርጉም ምን እንደሆነ እንገልጻለን፡፡

Read more: የፋሲካው በግ

ትንሣኤ

    ‹‹ሕያውን ከሙታን መካከል ስለምን ትፈልጋላችሁ? ተነሥቶአል እንጂ በዚህ የለም፡፡›› /ሉቃ. ፳45/

 

  ጌታችን መድኃኒታችን ኢየሱስ ክርስቶስ መግነዝ ፍቱልኝ መቃብር ክፈቱልኝ ሳይል ልበ አምላክ ዳዊት በመዝሙሩ ‹‹እግዚአብሔር ከእንቅልፉ እንደሚነቃ ተነሣ›› ብሎ እንደተናገረው በኃይሉና በሥልጣኑ ሞትን ድል አድርጎ በሦስተኛው ቀን ተነሣ፡፡ የጌታችን ትንሣኤ ለክርስቲያኖች ታላቅ ክብራችን ነው እኛን ወዶ ስለኛ ሞትን ድል በመንሳት ለኛ አርአያ ሆኗል፡፡ Read more: ትንሣኤ

ዐቢይ ጾም

‹‹ጾም ትፌውስ ቊስለ ነፍስ››       በሚኪያስ ታደሰ ዘደብረ ኆኅተ ብርሃን

ጾም ማለት ለተወሰነ ሰዓት ለተመረጡ ቀናት ሰውነትን ከሚያበለጽጉ ፍትወትን ከሚቀሰቅሱ ምግቦች መከልከል ማለት ነው፡፡ ይህ ማለት በታወቁ ዕለታት (በሰባቱ አጽዋማት)  በታወቀው ሰዓት እስከ ቀኑ ዘጠኝ ሰዓት ከምግብና ውኃ ተከልክሎ ሥጋን ለነፍስ ማስገዛት ነው፡፡ ጾም ይህ ብቻ ሳይሆን ዓይን ከሚያየው፣ ጆሮም ከሚሰማው፣ አፍ ከሚናገረው፣ እጅ ከሚሠራው ክፉ እና መጥፎ ነገሮች በመከልከል ሕዋሳቶቻችንን ሁሉ ከኃጢአት ሥራ መቆጠብ ማለት ነው፡፡

ዐቢይ ጾም መባሉ በምሥጢሩም ሆነ በቀናት ብዛቱ ከአጽዋማት ሁሉ የበላይ ስለሆነና ጌታችን መድኃኒታችን ኢየሱስ ክርስቶስ የጾመው ጾም ስለሆነ ነው፡፡ የጌታ መጾም ትሩፋት ለመሥራት፣ ኃጢአት ኖሮበት ለሥርየት ሳይሆን መብል ለኃጢአት መሠረት እንደሆነ ጾምም ለምግባር፣ ለትሩፋትና ለድኅነት መሠረት መሆኑን ለማጠየቅ ነው፡፡ ሠራዔ ሕግ ነውና ጾምን ሕግ አድርጎ መስጠቱን ለመግለጽ ጾመ፡፡

 ጌታችን አርባ ቀንና አርባ ሌሊት ጾሞ፤ በዲያብሎስ ተፈትኖ፤ የጾምን ኃይል ያሳየበት ነው፡፡ ፈታኙም ዲያብሎስ በስስት ቢመጣበት በትዕግሥት፤ በትዕቢት ቢፈትነው በትሕትና፤ በፍቅረ ነዋይ ቢፈትነው በጸሊዓ ነዋይ ድል የነሣበት ነው፡፡

ይህም ጾም ከዚህ እስከ እዚህ ነው ብሎ ለመናገር አስቸጋሪ በመሆኑ በኢየዐርግና በኢይወርድ ተወስኗል፡፡ ይኸውም መግቢያው ከየካቲት 1 እስከ መጋቢት 5 ባሉት 35 ቀናት ሲሆን የሚደመደምበት ደግሞ ከመጋቢት 26 እስከ ሚያዝያ 30 ይሆናል ማለት ነው፡፡

ጾሙ ለ55 ቀን የሚጾም ሲሆን ሦስት ክፍሎችና ስምንት ሳምንታት አሉት፡፡

            ስምንቱ ሳምንታት

  1. ዘወረደ
  2. ቅድስት
  3. ምኲራብ
  4. መጻጕዕ
  5. ደብረዘይት
  6. ገብርኄር
  7. ኒቆዲሞስ
  8. ሆሣዕና

            ሦስቱ ክፍሎች

1.  ዘወረደ (ጾመ ሕርቃል)፡- ይህም ጾሙ ከሚገባበት ሰኞ ጀምሮ እስከ እሑድ ድረስ ያለው 7 ቀን ነው፡፡

2.  የጌታ ጾም፡- ይህም ከቅድስት ሰኞ እስከ ሆሣዕና ዋዜማ ዓርብ ድረስ ያለው 40 ቀን ነው፡፡

3.  ሕማማት፡-  ይህም ጌታችን በአልአዛር ቤት ለማዕድ ከተቀመጠበት የሆሣዕና ቅዳሜ ጀምሮ እስከ ሥዑር ቅዳሜ ያለው መከራን የተቀበለበት 8 ቀን ነው፡፡

ይህም 7 + 40 + 8 = 55 ማለት ነው፡፡

Read more: ዐቢይ ጾም

Page 9 of 17

ተያያዥ ገጾች

ጥቅስ

‹‹ሞት ድንገት ትመጣለችና ከቀን ቀን አታሳልፍ›› ( ሲራክ 5፡7)

‹‹ፈጥነህ ስማ፤ ቃልን ለመመለስ ግን የታገስክ ሁን›› (ሲራክ 5፡11)

‹‹እግዚአብሔርን የሚፈሩ ሰዎች ቃሉን አይረሱም›› (ሲራክ 2፡15)

Joomla templates by Joomlashine