የምስራች!!! የርቀት ትምህርት

ዕረፍታ ለእግዝእትነ ቅድስት ድንግል ማርያም (ጥር 21)

ማርያም ማለት መርሕ ለመንግሥተ ሰማያት ማለት ነው፡፡ ምዕመናንን እየመራች ወደ መንግስተ ሰማያት ታስገባለችና፡፡ አንድም ፍጽምት ማለት ነው፡፡ በሥጋም በልቦናም ንጽሕት ናትና፡፡ ማርያም ማለት ልዕልት ማለት ነው፡፡ ከፍጡራን በላይ ናትና፡፡ ‹‹ማር›› በምድር ‹‹ያም›› በሰማይ ናት፡፡ ማር በምድር ተወዳዳሪ የሌለው ምግብ ነው፡፡ ያም በሰማይ ቅዱሳን የሚመገቡት በብሔረ ሕያዋን በብሔረ ብፁዓን ያሉ ቅዱሳን የሚመገቡት ጣፋጭ ምግብ ነው፡፡ የእመቤታችን ርህራሄዋ በምድርም በሰማይም ሁሉ ጣፋጭ ነውና ማርያም ተባለች፡፡እመቤታችን ቅድስት ድንግል ማርያም በዚህ ምድር ላይ 64 ዓመት ኖራ ጥር 21 እሑድ ቀን ጌታ እልፍ አእላፍ መላእክቱን አስከትሎ መጥቶ እናቴ ሆይ ከዚህ ዓለም ድካም ላሳርፍሽ መጣሁ ቢላት ልጄ ሰማይና ምድር የማይወስኑህን ዘጠኝ ወር ከአምስት ቀን በማኅፀኔ ተሸክሜ፣ በድንግልና ወልጄህ እሞታለሁን? አለችው፡፡ በሲኦል የሚሰቃዩ ነፍሳትን አሳይቶ እናቴ ሆይ ሞትሽ ለእኚህ ቤዛ ይሆናቸዋል አላት፡፡ እመቤታችንም እኚህን ከማርክልኝስ ይሁን አለችው፡፡ ቅድስት ሥጋዋንም ለይቶ በቃለ አቅርንት በዝማሬ መላእክት አሳረጓት፡፡ ደቀመዛሙርቱንም ከያሉበት ደመና ጠቅሶ ካለችበት አድርሶ እመቤታችሁን ቅበሩ አላቸው፡፡ በአጎበር አድርገውም ይዘዋት ወደ ጌቴሴማኒ ሲወስዷት አይሁድ አይተው ልጅዋን ተነሣ ዐረገ እያሉ ሲያውኩን ይኖራሉ፤ አሁን ደግሞ እሷን ዐረገች ተነሣች እያሉ ሊያውኩን አይደለምን ኑ የማርያምን ሥጋ እናቃጥል ብለው ተነሡ፡፡ ከመካከላቸው አንዱ ታውፋንያ ዘሎ የአልጋውን ሸንኮር ቢይዘው የታዘዘ መልአክ መጥቶ ሁለት እጁን በሰይፍ ቀላው፡፡ በድያለሁ ማረኝ ብሎ ቢማፀናት እራሷን ዘንበል አድርጋ ቅዱስ ጴጥሮስን እንደነበረው አድርግለት አለችው፡፡ ቢመልሰውም ድኖለታል፡፡ ከዚህ በኋላ ዮሐንስን ጨምሮ ከመካከላቸው ነጥቆ ገነት በዕፀ ሕይወት ሥር አኑሯታል፡፡ድንግል እመቤት ንጹሕት ምሕረትለሁሉ ምታዝን ርኅርኅት እናት የአምላክ እናት ሁና እንደምን ትሙት፡፡ድንግል በሥጋዋ ሞትን ስትቀምሰው ሲዘምሩ ዋሉ ነፍሳት ተደስተው በሞቷ ቤዛነት ለዘለዓለም ድነው፡፡የእመቤቴ ነፍሷን ጌታ ሲያሳርጋትመላእክት ከሰማይ ከምድር ሐዋርያት መጡ እየዘመሩ በጥዑም ማኅሌት ለሰሚ እስኪመስል የደረሰ ምጽአት እመቤቴ ማርያም አማልደሽ ከልጅሽ እድሜን ለንስሓ ስጭኝ እባክሽ አንቺኑ ነውና ተስፋ ያረግሁሽ ቅዱስ ያሬድ የእናታችን የእመቤታችን ቅድስት ማርያም ልመናዋ ምልጃዋ ከእኛ ጋር ለዘለዓለሙ ይኑር፡፡ በሰንበት ት/ቤቱ ትምህርት ክፍል ወስብሐት ለእግዚአብሔር

ጥምቀት በዓል አከባበር 2007

የጥምቀት የከተራ መዝሙራት (ጥር 10 እና ጥር 11)

የጥምቀት የከተራ መዝሙራት (ጥር 10 እና ጥር 11)

 

1.  ከድንግል ተወልዶ

ከድንግል ተወልዶ እኛን ሊቀድስ

ተጠመቀ ኢየሱስ በባሕረ ዮርዳኖስ /2 ጊዜ/

         መጥምቁ ዮሐንስ ምንኛ ታደለ

         ከነቢያት ሁሉ ሥልጣኑ ከፍ አለ

ትንቢቱን ሊፈጽም አስቦ ክርስቶስ

ተጠምቆ አዳነን በባሕረ ዮርዳኖስ

         ምሥጢረ ሥላሴ ታየ የዚያን ለታ

         ምን ይከፈለዋል ለአምላክ ውለታ

እመቤቴ ማርያም ምንኛ ታደልሽ

ከአዳም ልጆች ሁሉ አንቺ ተመረጥሽ

         ቸሩ አባታችን መድኃኔዓለምን

         ኑ እናመስግነው በአንድነት ሆነን

2.  ዮሐንስ አጥመቆ

ዮሐንስ አጥመቆ ለኢየሱስ /2ጊዜ/

በፈለገ ዮርዳኖስ በፈለገ /2ጊዜ/ ዮርዳኖስ /2ጊዜ/

 

3.  ሖረ ኢየሱስ

ሖረ ኢየሱስ /2ጊዜ/

እም ገሊላ /3ጊዜ/ ኀበ ዮርዳኖስ /2ጊዜ/

 

4.  መጽአ ቃል

መጽአ ቃል እምደመና ዘይብል /2ጊዜ/

ዝንቱ ውእቱ ወልድየ ዘአፈቅር /4ጊዜ/

 

5.  ኀዲጎ ተስዓ

ኀዲጎ ተስዓ ወተስዓተ ነገደ /2ጊዜ/

ማዕከለ ባሕር /4ጊዜ/ ቆመ ማዕከለ ባሕር /2ጊዜ/

 

6.  ተጠምቀ ሰማያዊ

ሀሌ /3ጊዜ/ ሉያ ሀሌ /2ጊዜ/ ሉያ ሀሌ ሉያ /2ጊዜ/

ተጠምቀ ሰማያዊ በእደ መሬታዊ /4ጊዜ/

 

7.  ኀዲጎ ተስዓ

ኀዲጎ ተስዓ /8ጊዜ/

ወተስዓተ /2ጊዜ/ ተስዓተ ነገደ /2ጊዜ/

 

8.  ወተመሰሎ

ወተመስሎ ሰባዐ ዓይነ አባግዐ ላባ ወማይ /2ጊዜ/

ወጥምቀት ዐባይ /2ጊዜ/ ዐባይ /2ጊዜ/ ወጥምቀት ዐባይ /2ጊዜ/

 

9.  ኧኸ ኀዲጎ ተስዓ

ኧኸ ኀዲጎ ተስዓ  ኧኸ ወተስዓተ ነገድ /2ጊዜ/

ኧኸ ማዕከለ ባሕር ቆመ ማዕከለ ባሕር /2ጊዜ/

 

10.     ዮሐንስኒ ሀሎ

ዮሐንስኒ ሀሎ ያጠምቅ /2ጊዜ/

በሄኖን በቅሩበ ሳሌም /4ጊዜ/

Read more: የጥምቀት የከተራ መዝሙራት (ጥር 10 እና ጥር 11)

የጥምቀት በዓል አከባበርና ሃይማኖታዊ ትርጉም

 ክርስትና በኢትዮጵያዊው ጃንደረባ ባኮስ አማካኝነት ወደ ኢትዮጵያ የገባው በ34 ዓ.ም. ነው፡፡ሐዋ.8፤26-34 ከዚያም በአብረሃና አጽብሃ ዘመነ መንግሥት የሀገሪቱ ብሔራዊ ሃይማኖት ሆነ፡፡ ለዚህም ከነገሥታቱ ባሻገር አባ ሰላማ ከሳቴ ብርሃን (ፍሬምናጦስ) ጉልህ አስተዋጽኦን አድርገዋል፡፡

ከዚያም በኃላ በ481 ዓ.ም ወደ ኢትዮጵያ የገቡት ተሰዓቱ ቅዱሳን የገዳም ሥርዓትን በመመሥረትና ትምህርተ ሃይማኖትን በማስፋፋት ከፍተኛ ሚናን ተጫውተዋል፡፡እነዚህ ቅዱሳን በነበሩበት ዘመን ኢትዮጵያውያኑ ቅዱስ ያሬድና ዐፄ ገብረ መስቀል ቅዱሳኑን ረድተዋል፡፡ ለሃይማኖቱ መስፋፋት የራሳቸውንም እንቅስቃሴ አድርገዋል፡፡ ለዚህም ጥሩ ምሳሌ የሚሆነን የቅዱስ ያሬድ የዜማና የመጻሕፍት ድርሰት ነው፡፡

Read more: የጥምቀት በዓል አከባበርና ሃይማኖታዊ ትርጉም

በዓለ ጥምቀት ሥርዓቱና ትውፊታዊ አከባበሩ 2004

በሕሊና በለጠ

     የኢትዮጵያ ኦርቶዶክስ ተዋሕዶ ቤተክርስትያን ከምታከብራቸው በዓላት መካከል የጥምቀት በዓል ከዋነኞቹ ተርታ የሚመደብና ሥርዓቱና አከባበሩም ለብዙ ዘመናት ብሔራዊ በመሆን የቆየ ነው፡፡ የጥምቀት በዓል አከባበሩ ጥንታዊ ነው፡፡ በብሉይ ኪዳን አይሁድ ከኢአማንያን ወገን የሆነ ሰው ወደ እምነታቸው ሲቀላቀል እንዲገረዝና በውኃ እንዲታጠብ ወይም እንዲጠመቅ ያደርጉ ነበር፡፡ በሐዲስ ኪዳንም አማናዊት ጥምቀት ከመመሥረቷ በፊት መጥምቀ መለኮት ቅዱስ ዮሐንስ "እኔስ ለንስሓ በውኃ አጠምቃችኋለሁ ጫማውን እሸከም ዘንድ ከማይገባኝ ከእኔ በኋላ የሚመጣው ግን ከእኔ ይልቅ ይበረታል እርሱ በመንፈስ ቅዱስ በእሳትም ያጠምቃችኋል" ማቴ 3÷11 ብሎ እንደተናገረው ሕዝቡን ለንስሓ በሚሆንና ለአማናዊት ጥምቀት የሚያዘጋጅ ጥምቀት ያጠምቅ ነበር፡፡

Read more: በዓለ ጥምቀት ሥርዓቱና ትውፊታዊ አከባበሩ 2004

Page 7 of 17

ተያያዥ ገጾች

ጥቅስ

‹‹ሞት ድንገት ትመጣለችና ከቀን ቀን አታሳልፍ›› ( ሲራክ 5፡7)

‹‹ፈጥነህ ስማ፤ ቃልን ለመመለስ ግን የታገስክ ሁን›› (ሲራክ 5፡11)

‹‹እግዚአብሔርን የሚፈሩ ሰዎች ቃሉን አይረሱም›› (ሲራክ 2፡15)

Joomla templates by Joomlashine