የመዝሙር ግጥሞች

የምስጋና መዝሙራት

 

አንደበቴም ያውጣ

አንደበቴም ያውጣ የምስጋናን ቅኔ

የአምላኬን ማዳን አይቻለሁ በአይኔ

በገባዖን ሰማይ ፀሐይን ያቆመ

ዛሬም ጎብኝቶኛል እየደጋገመ

            ወጥመድ ተሰበረ እኔም አመለጥኩኝ

            ከሃጥያት ፍላጻ ከሞት አመለጥኩን

            የአናብስቱን አፍ በሀይሉ የዘጋ

            የዳንኤል አምላክ ይኞራል ከእኔጋ

በዳዊት ምስጋና በያሬድ ዝማሬ

ከቅዱሳን ጋራ ልዘምር አበሬ

እሱን ሳመሰግን ሜልኮል ብትስቅብኝ

ለጌታዬ ክብር እዘምራለሁ

            አስፈሪው ነበልባል እሳቱ ቢነድ

            ለጣኦት እንድሰግድ ነገስታት ቢያውጁ

            ሁሉም ቢተወኝ ቢጠላኝም ዓለም

            ጽናት ይሆነኛል ጌታ መድሀኔአለም

 


በምን በምን

በምን በምን እንመስላት ድንግል ማርያምን

ምሳሌ የላትም ክብሯን የሚመጥን

                  የሙሴ ጽላት ነሽ የምህረት ቃል ኪዳን

                  የያእቆብ መሰላል የአብርሀም ድንኳን

                  የብርሃን መውጫ የኖህ ድንቅ መርከብ

                  የመላእክት እህት የሩህሩሃን እርግብ

የሰሎሞን አክሊል የአሮን በትር

የእዝራ መሰንቆ የጌድዮን ፀምር

ድንግል እመቤት ናት የፃድቃኖች በር

ሆና የተገኘች የአምላክ ማህደር

                  የቅዱሳን እናት የአለም ንግስት

                  ችላ የተሸከመች መለኮተ እሳት

                  ብርሃን ትሁነን ጨለማን ገላልጣ

                  አማልዳ ታስምረን ከዚህ አለም ጣጣ

ከማር ይጣፍጣል የድንግል መአዛ

አምላክን አቅፋለች በሁለት እጇ ይዛ

አለም ሁሉ የዳነው በልጅሽ ነውና

እናታችን ፅዮን ይድረስሽ ምስጋና

ተያያዥ ገጾች

ጥቅስ

‹‹ሞት ድንገት ትመጣለችና ከቀን ቀን አታሳልፍ›› ( ሲራክ 5፡7)

‹‹ፈጥነህ ስማ፤ ቃልን ለመመለስ ግን የታገስክ ሁን›› (ሲራክ 5፡11)

‹‹እግዚአብሔርን የሚፈሩ ሰዎች ቃሉን አይረሱም›› (ሲራክ 2፡15)

Joomla templates by Joomlashine