እንዳያመልጦ!!!!!!

ግብረ ሕማማት

†††ጥቂት ስለ መጽሐፈ ግብረ ሕማማት†††

የመጽሐፉ ርእስ፡- መጽሐፈ ግብረ ሕማማት
ደራሲ፡- ገማልያል እና ኢንፎስ
ተርጓሚ፡- ከዐረብኛ ወደ ግእዝ - ብፁዕ አቡነ ሰላማ ብርሃነ አዜብ(ከ134-1380)
- ከግእዝ ወደ አማርኛ - ሊቀ መዘምራን ላእከ ማርያም ወልደ ኢየሱስ
የገጽ ብዛት፡- 1194
በመጀመሪያ የተጻፈበት ጊዜ፡- የመጀመሪያው ክፍለ ዘመን
ዋጋ፡- 600ብር (አሁን ከዚህም ጨምሯል)
† ግብረ ሕማማት ጌታችን መድኃኒታችን ኢየሱስ ክርስቶስ ለአዳምና ለዘሩ ድኅነት የተቀበለውን መከራ የሚዘክር መጽሐፍ ነው፡፡ ግብረ ሕማማት ማለት የሕመም ፣ የመከራ ሥራ ማለት ነው፡፡ የጌታን መከራውን ሥቃዩን ሕማሙን በሰዓትና በጊዜ ከፍሎ የሚናገር ፣ እንዲሁም ምን በማን መጸለይ እንደሚገባውም በዝርዝር የሚገልጽ በመሆኑና የጌታችንን ሕማም በምናስብበት በሰሙነ ሕማማት በዋነኝነት አገልግሎት ላይ የሚውል በመሆኑ ግብረ ሕማማት ተባለ፡፡ መጽሐፉ ግብረ ሕማማት እንዲባል በውስጡ የታዘዘ መሆኑን የአማርኛው ትርጉም መቅድም ይገልጻል፡፡

† የግብረ ሕማማት መግቢያ ስለ መጽሐፉ ታሪክ ሲናገር ‹ሐዋርያት ለስብከተ ወንጌል በሚፋጠኑበት ጊዜ፣ ስለ እርሱ ስለ ጌታችን ታሪኩንና ተአምራቱን ይከታተሉ ከነበሩት መካከል የተከበሩና የታወቁ ሊቃውንት በኢንፎስና በገማልያል እጅ ተጽፎ በቅድስት ሀገር በኢየሩሳሌም በክብር ቦታ ተቀምጦ የተገኘ ነው፡፡› ይላል፡፡ ይኸው መጽሐፈ ግብረ ሕማማት የመጽሐፉን የትመጣ ታሪክ ሲተነትን፣ በየትኛው ገብርኤል እንደነበር አይታወቅ እንጂ ገብርኤል በሚባል የእስክንድርያ ፓትርያርክ የፕትርክና ዘመን ፣ የአባ መቃርዮስ ገዳም ሊቃውንት በነበረው ይዘቱና አገልግሎቱ ላይ የማሻሻያ /የማሟያ ሥራ/ እንደተሠራለት ያትታል፡፡ /የግብረ ሕማማት መግቢያ/

Read more: ግብረ ሕማማት

አርብ /ስድስተኛው ቀን/

ð  ይህች ቀን አዳም ኋላም ሔዋን የተፈጠሩባት፣ ከገነት ተሰደው የወጡባት ዕለት ናት፡፡ ጌታም ቀድሞ የሥነ ፍጥረት ሥራውን እንደፈጸመበት አሁንም የድኅነት ሥራውን ፈጸመባት፡፡ በዚህች ዕለት በአምላካችን ላይ የተፈጸመው መከራ እጅግ አሰቃቂ ነበረ በፍጡርም ሊገለጹ የማይችሉ ናቸው፡፡

ð  የክብርን ባለቤት ጭፍሮች ይዘው በሊቀ ካህናት ቢት አቀረቡት፡፡ ሊቀ ካህናቱም ‹‹የእግዚአብሔር ልጅ ክርስቶስ እንደሆንክ ንገረን›› አለው ጌታም ‹‹አንተ አልህ . . . የሰው ልጅ በኃይል ቀኝ ሲቀመጥ በሰማይ ደመና ሲመጣ ታያላችሁ›› ቢለው ሊቀ ካህናቱ ተሳደበ በማለት ፊቱን ነጨ ልብሱን ቀደደ፡፡ በኦሪት ሕግ እንዲህ ያደረገ ይሻር ትል ነበር፡፡ ጌታ እንደተሾመበት እርሱ እንደተሻረበት ለማጠየቅ፡፡

ð  ጌታ እንደተናገረው ጴጥሮስ ሦስት ጊዜ ካደው በዚህ ጊዜ ዶሮ ጮኸ ጌታ ያለውን አስታውሶም እንዲህ ሲል አለቀሰ ‹‹ከሁሉ ይልቅ እኔ እወደው ከሁሉ አስቀድሞ እኔ እክደው›› ብሎ ከልቡ ስላለቀሰ ንስሐውን ተቀብሎታል፡፡

ማቴ. 2669-75      ማር. 1466-72

ጌታችን መድኃኒታችን ኢየሱስ ክርስቶስ በዚህ ዕለት በየሰዓታቱ የተፈጸመበት ድርጊቶች፡-

Read more: አርብ /ስድስተኛው ቀን/

ስግደት

፨፨፨ስግደት፨፨፨
ክፍል 1
፨፨፨፨፨፨፨፨
በፍጹም ልብ በፍጹም ነፍስ በፍጹም ኃይል (ዘዳ.6፡5) የሚወደድ የሆነውን አምላካችን እግዚአብሔርን ስናመልከው ሥጋችንንም፣ ነፍሳችንንም፣ መንፈሳችንንም አስተባብረን መሆን አለበት፡፡ መጻሕፍትን በማንበብ፣ ለብዎትን /ማስተዋልን/ በመጠቀም፣ ዕውቀትን ገንዘብ በማድረግ፣ ነቢብን /ንግግርን/ በማስገዛት፣ ሀልዎትን /መኖርን/ በመሠዋትና በመሳሰሉት እግዚአብሔርን ማምለክ ባሕርያተ ነፍስን ለአምልኮተ እግዚአብሔር ማስገዛት ነው፡፡ ጾም/ከሥጋ ፍላጎት መከልከል/ እና ስግደትን የመሳሰሉት ደግሞ በሥጋ እግዚአብሔርን የምናመልክባቸው፣ ሥጋችንን የምናስገዛባቸው መንገዶች ናቸው፡፡ (ይህ ማለት ግን ስግደት ለሥጋውያን ብቻ የተገባ ነው ማለት አይደለም፤ “መላእክቱ ሁሉ ስገዱለት”/መዝ.97፡7/ እንዳለ መላእክትም የሚሰግዱ ናቸውና፡፡) ፍቅር፣ ቸርነት፣ ምኅረት፣ መመጽወት እና የመሳሰሉት የመንፈስ ሥራዎች ደግሞ ወደ ፍጹምነት የሚወስዱን የሥጋን ድካምና የነፍስን ሐልዮት የምንቀድስባቸው እንዲሁም መንፈሳችንን ለአምልኮተ እግዚአብሔር የምናስገዛባቸው መንገዶች ናቸው፡፡
ስለዚህ ስግደት የሰው ልጅ የተፈጠረበትን ዓላማ (የሰው ልጅ የተፈጠረበት ዓላማ እግዚአብሔርን ማምለክ ነው) ከሚያሳካባቸው መንገዶች አንዱ ነው፡፡ በሌላ አነጋገር የሰው ልጅ ካለስግደት ሥጋውን ፍጹም መኮነን(መግዛት) አይችልምና ሰብእናው ምሉዕ አይሆንም፡፡

፨ስግደት ስንት ዐይነት ነው?፨

Read more: ስግደት

ሐሙስ /አምስተኛው ቀን/

በዚህ ዕለት የተደረጉ ዐበይት ድርጊቶች፡-

ð  የትሕትና መምህር የሆነው ጌታችን ወደ አብ የሚሄድበት ጊዜ በመቅረቡ ትሕትናን ሊያስተምር የደቀመዛሙርቱን እግር ሊያጥብ ጀመረ ‹‹እኔ ጌታና መምህር ስሆን እግራችሁን ካጠብኩ እናንተ ደግሞ እርስ በእርሳችሁ ትተጣጠቡ ዘንድ ይገባችኋል›› በማለት የትሕትናን ትምህርት አስተምሯል፡፡ /ዮሐ. 131-20/

ð  ጌታችንና መድኃኒታችን ኢየሱስ ክርስቶስ የመጨረሻዋን እራት ከደቀ መዛሙርቱ ጋር ሲበላ ምሥጢረ ቁርባንን ከዚህች ዕለት መስርቷል፡፡ ‹‹ሲበሉም ኢየሱስ እንጀራውን አንስቶ ባረከ ቆርሶም ለደቀመዛሙርቱ ሰጠና እባካችሁ ብሎ ይህ ሥጋዬ ነው አለ፡፡  ጽዋውንም›› አመስግኖም ሰጣቸው እንዲህም አለ፡፡ ሁለታችሁም ከእርሱ ጠጡ ስለ ብዙዎች ለኃጢአት ይቅርታ የሚፈስ የሐዲስ ኪዳን ደሜ ይህ ነው፡፡ በማለት ስለኛ በፈሰሰ ደሙ በኃጢአታችን ይቅርታ አድርጎ እንደታረቀን እንዲህ በማለትም አረጋግጧል፡፡‹‹ከእንግዲህ ወዲህ ባሮች አልላችሁም ባሪያ ጌታው የሚያደርገውን አያውቅምና ወዳጆች ግን ብያችኋለሁ፡፡›› /ዮሐ. 1515/

ማቴ. 2626-29         ሉቃ. 227-23

Read more: ሐሙስ /አምስተኛው ቀን/

ረቡዕ /አራተኛው ቀን/

=>  በዚህ ዕለት የካህናት አለቆችና የሕዝብ ሽማግሌዎች ቀያፋ በሚባለው በሊቀ ካህናቱ ግቢ ተሰብስበው እንዴት በተንኮል እንደሚይዙትና እንደሚያስገድሉት ምክር የቆረጡበት ዕለት ነው፡፡ ነገር ግን የፋሲካ በዓል ቀርቦ ስለነበር ሕዝቡም በትምህርቱ ተመስጦ በተአምራቱ ተማርኮ ስለነበር ሁከት እዳይፈጠር እንዴት መያዝ እንዳለባቸው ሲጨነቁ ከጌታ ደቀመዛሙርት መሃል ይሁዳ ከምክራቸው በመቀላቀል ጭንቃቸውን አቀለለላቸው፡፡

    ማቴ. 2635       ሉቃ. 221-6         ማር. 141እና2

Read more: ረቡዕ /አራተኛው ቀን/

Page 1 of 17

ተያያዥ ገጾች

ጥቅስ

‹‹ሞት ድንገት ትመጣለችና ከቀን ቀን አታሳልፍ›› ( ሲራክ 5፡7)

‹‹ፈጥነህ ስማ፤ ቃልን ለመመለስ ግን የታገስክ ሁን›› (ሲራክ 5፡11)

‹‹እግዚአብሔርን የሚፈሩ ሰዎች ቃሉን አይረሱም›› (ሲራክ 2፡15)

Joomla templates by Joomlashine